МЛАДИ

Тргнувајќи од целта на програмата Млади- Подигање на свеста кај младите луѓе за хуманитарна активност, социјална одговорност како и нивното регрутирање во редовите на организацијата, преку клубот на млади на Црвен крст на град Скопје ќе бидат реализирани низа активности.

Хуманоста, поддршката кон различни целни групи и креативноста на младите ќе резултираат и со изготвување на посебна програма креирана токму од нив самите. Поддршката кон традиционалните (календарски) активности и програмата на клубот на млади ќе резултираат со:

Будење на хуманоста и помош за ранливо население

Стекнување на здрави животни навики, градење на самосвесни млади личност, пренесување на стекнатато знаење преку неформална едукација

Надминување на предрасудите и дискриминација

Едукација и дружење

Активности:

Клубот на млади и оваа година ќе реализира низа едукации, активности на терен и собирни акции со цел да допреме до што поголема целна група, да се опфтат што повеќе теми од интерес и да бидеме поблиску до лицата на кои помошта и поддршката им се неоходни. 

Во оваа насока планирани се:

Реализација на едукативни сесии на тема Младите во борба против трговија со луѓе

Одржување обука младинци во училиштата каде имаме клубови за едукација и превенција

- Одржување на еднодневни едукативни сесии во институции (домови) каде престојуваат млади

Одбележување на светкиот дена за борба против ХИВ/СИДА на 01 Декември и организирање на централната манифестација

 - едукации на повеќе целни групи од страна на нашите обучени тренери и пиер едукатори

Организирање на хуманитарен концерт Љубовни ноти 3 во соработка со МБУЦ Илија Николовски Луј - Скопје

Реализиација на едукативни предавања за штетните последици од физичката неактивност кај младите како чекор кон превенција од срцево садови заболувања

- организирање на работилници и изработка и дистрибуција на пропаганден материјал во соработка со Кардиохирургија Филип Втори

Посета на клиниката за онкологија и торакална хирургија, подготовка на подароци за лицата оперирани од карцином во рамките на одбележување на неделата за борба против ракот и во пресрет на прзаникот на жената 8-ми март

Реализација на работилници, заеднички активности со лицата со хендикеп

Организирање на еднодневна екскурзија на Водно и едукативни работилници со децата од семејствата баратели на азил во РМ и нивно вклучување како поддршка кон активностите на клубот на млади

Учество во активностите по повод Светскиот ден на прва помош

Собирни и продажни акции за одбележување на Денот на гладта

Одбележување на неделата на млади со промотивни активности и собирни акции

Посета на домот за стари лица Мајка Тереза во Злокуќани

Собирна акција Млади за млади во маркетот во ТЦ Рамстор; Делење на пакетчиња;

Едукации и дообука на младите преку нивно учество на семинари и обуки во земјава и надвор од неа

И во тековната 2011 година ќе ја продолжиме соработката со Меѓуопштинскиот центар за социјална работа во насока на социјализација и поддршка на децата сместени во згрижувачки семејства како и дневните центри за лица со посебни потреби.